Kryedemokrati Lulzim Basha ka treguar pritjen entuziaste që i kanë bërë lezhjanët, duke i dalë në rrugë me makina e flamuj të Partisë Demokratike.
Gjatë rrugës për në Lezhë, Basha ka hyrë në një video live në Facebook, ku edhe ka folur për të gjithë ndjekësit e tij, duke treguar se PD në Lezhë do të ketë anëtarësime të reja.
“Jam rrugës për në takimin me demokratët e Lezhës, ku 150 anëtarë të rinj do të marrin sot kartat e anëtarësimit në Partinë Demokratike. I shtohen kësaj armate të lirisë e demokracisë që sot po lufton jo thjesht dhe vetëm për rotacion politik por për t’i dhënë fund tranzicionit, për një transformim të thellë që do të funksionojnë për çdo familje shqiptare”, tha Basha nga makina.
