Kuvendi po mban një seancë për të dënuar gjenocidin serb në Srebrenicë. Shumica qeverisëse ka dorëzuar projekt-rezolutën, për përkujtimin dhe nderimin e viktimave të gjenocidit në Srebrenicë. Deputeti i Partisë Demokratike, Lulzim Basha, i ka kërkuar Kuvendit që të miratojë sa më parë rezolutën që dënon gjenocidin serb në Kosovë. Basha tha se nëse Serbia do të integrohet në rajon, duhet të kërkojë falje e të pranojë krimet. Ai tha më tej se Tirana zyrtare duhet t’i vendosë kushte Serbisë të kërkojë falje, dhe të pranojë krimet e kryera në Ballkan për tu integruar plotësisht.
“Një vit më parë, teksa përkujtonin përvjetorin e masakrës së Srebrenicës, kërkova që vendi ynë të kishte kurajon dhe të denonconte gjenocidin e Srebrenicës. Sot është koha të gjejmë forcën dhe pavarësinë për t’i vënë emrin masakrave të ndodhura në Ballkan, për shkak të shovinizmit serb. Duhet të miratojmë sa më parë rezolutën e gjenocidit serb në Kosovë. Një numërim mbrapsht ka nisur, që ky Kuvend të miratojë rezolutën e gjenocidit serb në Kosovë, që ti hapë rrugën të ardhmen që nuk mund të jetë e paqtë. Që Serbia të integrohet në rajon, duhet ta kushtëzojmë me kërkesën e faljes e pranimin e krimeve. Duhet t’i tregojmë një zëri që rruga drejt të ardhmes është pranimi i së shkuarës. Na takon ne të jemi zëri i Kosovës”, tha Basha.
