Kreu i PD, Lulzim Basha, po zhvillon një takim me studentët të cilët protestuan pas kthimit ‘online’ të universiteteve. Ai i ftoi studentët të marrin masat vetë, pasi qeveria i ka lënë në mëshirë të fatit. Ndër të tjera, Basha tregoi se ai vetë ka mbi 1 muaj që nuk i takon prindërit, për shkak se nuk duhet ti vëjë në rrezik. Kryedemokrati rrëfeu se situata është tejet e vështirë, dhe se nga rrethi i ngushtë dhe familjar është vënë në dijeni për 7 apo 8 raste me koronavirus.
“Më bëhet zemra mal se nga 12 studentë të Mjekësisë që më thanë se donin të më takonin, është një grup kaq i madh. Gjëja e parë që dua t’ju them është faleminderit që keni zbatuar distancat dhe që keni vënë maskat. E kemi detyrim ndaj moshës së tretë dhe atyre që nuk gëzojnë shëndet të plotë.
Në lidhje me vendimet e padrejta që janë marrë në kurrizin tuaj, dua t’ju them se po nuk morëm masa vetë, qeveria na ka lënë në mëshirë të fatit. Vetëm nga rrethi im i ngushtë dhe familjar kam pasur dijeni për 7 apo 8 raste me Covid.
Shqetësimi më i madh janë ata që janë në moshë të shtyrë. Nëse nuk marrim masat tona, i ekspozojmë përballë rrezikut të madh. Gjatë gjithë javës ka pasur shtim të rasteve, më është mbushur inboxi me sms të njerëzve që duhet të presin me ditë të tëra për të bërë një tampon, sorollaten dyerve të spitalit dhe nuk bëjnë gjënë kryesore, testimin.
Pasi testohen iu jepet mjekim mbi 200 euro, kushton trajtimi më i lirë, imagjinoni ata që kanë nevojë për ilaçe ekstra. Disa mund ti keni pensionistë prindërit, siç i kam edhe unë që paketa e kurës ju shkon më shumë se sa dy pensione bashkë.
Ju ankoheni që keni kaluar online, që se di si kanë kaluar online kur s’janë marrë masa për të kaluar online. Imagjinoni që s’kanë marrë masa për testimet. Valën e dytë nuk e ndalte dot askush, por kam 5 javë që i kërkoj të marrë masa, kërkesa e parë ishte të rriste testimet.
Para dy ditësh im at kishte ditëlindjen, s’ka gjë më të dhimbshme se sa të mos e urosh së afërmi ditëlindjen. E bëj për ti ruajtur! Nuk më vjen keq të them se kam 1 muaj e ca që nuk i takoj prindërit e mi, pasi kjo është situata ku ndodhemi”, u shpreh Basha.
