Kryetari i Partisë Demokratike, Lulzim Basha vijon të tregojë ato që ai i quan dështime të kryeministrit Edi Rama gjatë 8 viteve të qeverisjes së tij.
Përmes një videoje të postuar në rrjetin social, Instagram, Basha shprehet se në vitin 2017 Rama premtoi 232 milionë dollarë subvencione direkte për fermerët për 4 vitet në vijim, ndërkohë, që ata kanë marrë vetëm 47 milionë dollarë.
“49 ditë deri më 25 prill. 100 dështimet e Ramës në 8 vite
Në 2017-ën, Edi Rama premtoi 232 milionë dollarë subvencione direkte për fermerët përgjatë 4 viteve në vijim. A e ka mbajtur këtë premtim? Përgjigjja jo.
Fermerët kanë marrë vetëm 47 milionë dollarë në 4 vite. Shqipëria ka nivelin më të ulët të subvencioneve direkte në rajon”, thuhet në videon e publikuar nga Basha.
