Ka shkuar në tre numri i viktimave nga aksidenti i rëndë i trefishtë që ndodhi mëngjesin e sotëm në Rrogozhinë.
Viktima e tretë është një nga drejtuesit e mjeteve, Muharrem Koni, bashkëshorti i pasagjeres që vdiq gjatë rrugës për në spitalin e Durrësit, Merushe Koni.
Ai ka ndërruar jetë në spitalin e Traumës në Tiranë, ku ishte dërguar për shkak të gjendjes së rëndë në të cilën ndodhet.
Ndërkohë, vijon të mbetet në gjendje të rëndë fëmija 10-vjeçar që po ashtu ka mbetur i plagosur gjatë aksidentit, ku u përplasën tre mjete.
Dyshohet se shkak i aksidentit ishte një parakalim i gabuar i një prej 3 drejtuesve të mjeteve të cilët u përfshinë në aksident.
Viktimë mbeti edhe një prej shoferëve, i identifikuar si Tonin Mhilli, i cili ishte oficer në burgun e Peqinit dhe po shkonte në punë në momentin kur ndodhi ngjarja e rëndë.
