Basha: Rama frikacak, ‘merr viza’ para se përballet në studio mediatike

Edhe pse na ndajnë disa muaj nga zgjedhjet parlamentare të 25 prillit, fushata elektorale  ka filluar më herët seç duhet.

Përplasjet e dy partive të mëdha PD-PS, sa vijnë e shtohen, ku përveç krizës pandemike dhe asaj ekonomike, kyreministri Edi Rama dhe kreu i PD, Lulzim Basha kanë hedhur akuza ndërmjet njëri-tjetrit për inceneratorët.

Në emisionin ‘Opinion’, ku para disa ditësh ishte i ftuar Rama, Basha ndërhyri me lidhje telefonike duke folur për këtë çështje.

Teksa Basha mbaroi fjalën e tij, Rama i tha shko fli gjumë, duke mos u përgjigjur për çështjen në fjalë.

Për kreun e opozitës, ky reagim tregoi se sa frikacak është kryeministri, dhe tha se ai “merr viza” përpara se të dalë në përballje mediatike.

 ”Ai tregon që është i intimiduar. Refuzoi aksesin mediaik timin. Është person që mundohet të intimidojë, por shfaq sa frikacak është. Prej 7 vitesh nuk mban asnjë premtim. Kishte frikë të përballej. Diskursi i tyre ka si qëllim të shmangë nga vëmendja e shqiptarëve debatin e vërtetë. Nuk kanë përgjigje për pyetjet e mia dhe të shqiptarëve. Pse vazhdon të shtohet numri i të infektuarve, bie numri i testimeve. Kjo është mos kesh të kurajo të përballesh esëll. Bën mu kush merr viza.’’, tha Basha në ABC-ja e mëngjesit.