KKryetari i Partisë Demokratike, Lulzim Basha ka reaguar në lidhje me vendimin e kryeministrit, Edi Rama i cili emëroi Bledi Çuçin dhe Milva Ikonomin në krye të Minsitrisë së Brendshme, dhe asaj të Bujqësisë.
Sipas Bashës, teksa familjet shqiptare vuajnë krizën e rëndë ekonomike dhe shëndetësore, Rama e ka mendjen ti bëjë ministra miqtë dhe të afërmit e tij.
Ai theksoi se Rama paguan charter dhe bileta klasi të parë për shopping në dyqanet luksoze në New York.
Basha shprehet se durimit i ka ardhur fundi, dhe se është koha për ndryshim.
”Familjet shqiptare vuajnë krizën e rëndë ekonomike dhe shëndetësore, Rama e ka mendjen ti bëjë ministra miqtë dhe të afërmit e tij. Policia përdor dhunë ndaj të rinjve, Rama paguan charter dhe bileta klasi të parë për shopping në dyqanet luksoze në New York. Shqipëria ka nevojë për një qeveri që kujdeset për njerëzit dhe jo për veten e saj. Durimit i ka ardhur fundi! Është koha për ndryshim.’’, shkruan Basha në rrjetin social, Facebook.
