Basha-qytetarëve: Ruani faturat e kurimit të Covid, do t’jua rimbursojmë

Kryetari i Partisë Demorkatike,  Lulzim Basha u ka bërë një thirrje të gjithë shqiptarëve, që të ruajnë çdo faturë të kurimit të COVID që nuk është rimbursuar nga qeveria.

Gjatë një takimi që ka bërë më mjekët dhe infermierët në selinë e PD-së, Basha u shpreh se pas 25 prillit, nëse ai vjen në pushtet do ta bëjë këtë gjë përmes një skemë që po punon për të lehtësuar krizën ekonomike në familjet shqiptare.

Lulzim Basha: “Ruajini faturat e kurimit të COVID pasi qeveria e ardhshme do të bëjë gjithçka që në borxhin ku ju u ka mbytur kjo qeveri të mos jetë një gur në qafën tuaju por po mundohemi mundohet t’ua lehtësojmë sa më shumë dhe për këtë po punojmë për një skemë që të jemi në gjendja ta vënë në zbatim pas 25 prillit . Regjistroni çdo shpenzim real të cilën kjo qeveri nuk e rimburson duke iu zhytur në krizë financiare”.