Kryetari i Partisë Demokratike Lulzim Basha, tha sonte nuk mund t’i djegë pa LSI-në. I ftuar në emisionin “Opinon”, Basha deklaroi se djegia e mandateve mund të behët vetëm me opozitën e bashkuar. Basha sqaron se në qoftë se djegia e mandateve bëhet vetëm nga PD-ja atëherë vendet e saj në Parlament i merr LSI-ja. Por gjithashtu kreu i PD-së tha; në qoftë se djegia e mandateve ndodh rrezikojmë që parlamenti të kthehet në monist.
“Nëse vendosim për djegien e mandateve kryhet, duhet të kryhet me opozitën e bashkuar. Nëse e bën e vetme, vendet e saj i merr partia tjetër. Nëse behet, avantazhi është se ekspozohet parlamenti monist”, deklaroi Basha.
Gjithashtu, Basha ka zbuluar dhe dy rrugë të tjera që do të ndjekë opozita pas votimit në parlament të kryeprokurores së përkohshme.
“Skenari i parë është një marrëdhënie të kushtëzuar me parlamentin. Ne do të kërkojmë që në parlament të kthehet ligjshmëria. Ne mund të qëndrojmë në sallë që ta bëjmë të mundur këtë sepse ndryshe nuk e realizojmë dot”, tha Basha.
Skenari i dytë sipas Bashës është bojkoti pa afat, por ai sipas tij ka disavantazhin sepse nuk mund të bëjë presionin e duhur në parlament.
