Kreu i PD-së, Lulzim Basha, nga salla e Kuvendit është shprehur se Prokurori italian i Antimafias Federico Cafiero De Raho ka bërë deklarata të forta nga Tirana pas takimeve që zhvilloi me ministrin e Brendshëm dhe me Prokuroren e Përgjithshme të përkohshme.
“Pata mundësinë që të zhvilloj një takim të gjatë dhe shumë produktiv me Hahn. Përfaqësuesit e mazhorancës duke përfshirë dhe propozuesin e këtij ligji, kanë dy orë që po i thonë se policia është në nivele të shkëlqyera, bashkëpunimi me Italinë dhe vendet e tjera është si kurrë më parë dhe policia që jua na latë ishte e mjerueshme. Prokurori italian i Antimafias i tha në zyrë Xhafajt, se policia është palë e krimit.
Prokurori Italian ka thënë tre fjalë të thjeshta, se “mafia shqiptare ka lidhje me politikën dhe se ka pushtuar policinë”. Kjo që thuhet nga kjo sallë nuk besohet nga asnjë shqiptarë dhe asnjë shtetas evropian”, tha Basha.
“E mbrojti me patos Saimir Tahirin deri sa u bë presioni i të huajve. Më pas e zëvendësoi më një person që ka rekorde dhe ky person është ai që është sot. Nuk do të këtë Vetting pa hequr arkitektët, pa hequr Edi Ramën dhe ministrin e Brendsëhëm dhe çdo person tjetër që është i përfshirë në ngjarje kriminale”.
Sipas Bashës ka zyrtarë të lartë të Policisë që janë bashkëpunëtorë të krimit.
“Zyrtarë të lartë të policisë të emërojnë njerëz, bashkëpunëtorë të krimit, njerëz që janë larguar nga polica,. Të gjitha këto kanë ekzistuar
Ka 5 vite që Edi Rama flet për Vettingun e policisë. Si nuk zbatohet strategjia për luftën kundër krimit të organizuar, për drogën.
Nuk ka vend në Ballkan që kryeministri dhe qeveria të jenë të kapur nga krimi. Antimafja italiën ka faktura ish ministrin e brendshëm Saimir Tahir të përfshirë në drogë.
Me urdhër të Edi Ramës ishte mbrojta e krimineleve, atyre që kishte futur këtu në këtë sallë një pjesë ishin kriminele”.
Kryeopozitari, Basha nuk nguroi të thoshte se kryeministri Edi Rama ka krijuar një klimë terrori dhe të rënduar.
“Rama e përdori policnë harbutërisht për të krijuar një klimë të rënduar terrori nën parullën bëjmë shtet.
E shndërroi policinë në një repart droge”, përfundoi Basha. TIRANA TODAY
