Kryetari i PD-së, Lulzim Basha ka përshëndetur vendimin e Metës për zgjedhjet, ndërsa paralajmëron se tashmë është koha që të luftojnë për Shqipërinë e të gjithë shqiptarëve.
Kryedemokrati nënvizon në mesazhin e radhës, se zgjedhjet farsë u anuluan, dhe se beteja e tyre do të vazhdojë deri në triumfin e standardeve dhe vlerave evropiane.
“Boll më me Shqipërinë që duan ata, tani është koha të luftojmë për Shqipërinë e të gjithë shqiptarëve!
Ora e Shqipërisë si e gjithë Europa po troket dhe nuk ka forcë ta ndalë! Falë vendosmërisë tuaj të pathyeshme, falë bashkimit të zemrave dhe mendjeve të shqiptarëve të lirë, zgjedhjet farsë të 30 Qershorit u anulluan!
Beteja jonë do të vazhdojë deri në triumfin e standarteve dhe vlerave europiane. Pengesa e vetme për në Europë është sundimi i shtetit të bërë njësh me krimin, është qeveria e ardhur me votën e krimit, është kryeministri i Avdylajve.
Largimi i Ramës është i panegociueshëm.#ShqiperiaSiEuropa”.
