Kreu i opozitës, Lulzim Basha i dha fund zërave se mund të ketë një koalicion PD-PS, pas zgjedhjeve parlamentare të 25 prillit 2021.
Ai u zotua se nuk do ketë kurrë bashkëqeverisje me kryeminstrin Edi Rama.
Madje, Basha u shpreh se dosjet e Ramës janë gati, dhe se pas 25 prillit do dalë para drejtësisë.
Dosjet e Edi Ramës janë gati. Edi Rama do të shkojë për ndjekje penale dhe sa më takon mua, nesër si kryeministër do marrë ndëshkimin e merituar nga drejtësia.
Pas 25 prillit, kam vetëm një mesazh: e pret drejtësia. Atë dhe një grusht njerëzish që i kanë pirë gjakun vendit. Nuk ka koalicion me të keqen, nuk ka bashkëqeverisje me të keqen. Po nuk larguam të keqen me votë, nuk ka ndryshim. Në emrin tim personal, të PD dhe të Opozitës së Bashkuar, nuk ka dhe nuk do ketë bashkëqeverisje me Ramën. Edi Rama do të shkojë para drejtësisë.
Rama nuk ka shpëtim, është i pashpresë, vetëm po anuloi datën e zgjedhjeve. Është i pashpresë për arsyen e thjeshtë dhe të vetme: për dy mandatet e shkatërrimit të ekonomisë dhe institucioneve, për dy mandatet e premtimeve të pambajtura,” tha Basha në Çim Peka Live.
