Kryetari i Partisë Demokratike, Lulzim Basha, ka komentuar sërish dorëheqjen e Valdrin Pjetrit.
Përmes një postimi në Facebook, Basha shprehet se krahasuar me Ramën, Pjetri është një kriminel i rangut të tretë.
Sipas Bashës, Rama është kërcënimi më i madh për shqiptarët pasi ishte ai që futi në politikë dhjetëra kriminelë me rekorde të tmerrshme kriminale.
Postimi i plotë:
Krahasuar me Edi Ramën, Valdrin Pjetri është një kriminel i rangut të tretë, një trafikant i dënuar droge që ka fshehur të kaluarën e tij.
Por është Edi Rama ai që futi në politikë dhe zyrat e shtetit dhe i bëri deputetë, kryebashkiakë e zyrtarë të lartë dhjetëra kriminelë me rekorde të tmerrshme kriminale, trafikantë, përdhunues e deri vrasës. Edi Rama është kërcënim dhe rrezik për jetën dhe sigurinë e çdo familje shqiptare!
Gjatë regjimit të tij, Shqipëria u kthye në parajsën e krimit të organizuar dhe të pastrimit të parave të pista nga trafiku i drogës dhe korrupsionit. Krimi dhe Edi Rama janë të pandashëm. Që të largojmë krimin duhet të largojmë Edi Ramën. #ShqipëriaSiEuropa #RamaIk
