Kreu i PD-së, Lulzim Basha ka akuzuar Ramën se ka nxjerrë 1.3 miliard euro me drogën,ndërsa nga ana tjetër tha se 30% e shqiptarëve nuk kanë paguajnë dot bukën dhe se 260 mijë shqiptarë duan të largohen nga Shqipëria.
Basha vijoi me akuzat, teksa tha se Rama është ulur në prehrin e krimit dhe se është ai përgjegjës për ekonominë në krizë.
FJALA E BASHËS:
1.3 miliard euro, ky që bilbilos këtu, kaq ka nxjerrë me drogën Shqipëria. A e kuptoni o shqiptarë sa janë, sigurisht që nuk e kuptoni dot, një shifër astronomike, mendja nuk e kupton dot. 30% e shqiptarëve nuk paguajnë dot ushqimet e shportës, kryemashtruesi, kryepërfituesi i drogës. Keni parë si vjen këtu? I thahet pështyma, patrioti! 30% e shqiptarëve nuk paguajnë dot për bukën, 1,3 miliard euro ky dhe Habilajt e tij, ky që çon 260 mijë shqiptarë në 4 vite në azil politik, eksod si në vitet ’90.
Po të ishe patriot ti, kishe dhënë dorëheqjen ditën kur t’u kapën mushkonjat e para, e kishe vënë gjithë territorin ne funksion të bandës. Beteja për demokraci nuk ka marrë fund, ti s’mund ta fitosh kurrë dhe as të justifikohesh para shqiptarëve për faktin që ta ka mbyllur derën Evropa.
Kushdo që e ka ndjekur parlamentin, e kupton fare mirë sikletin e Ramës. Ky që nuk duronte dot aleatë politike, sot është vetë në prehrin e krimit, asnjë vendim nuk merr dot për qytetarët që po largohen nga sytë këmbët, një fjalë të vetme nuk arrin të shqiptojë. Moti po ftohet, 30% familje nuk arrijnë të paguajnë energjinë elektrike. Familjet në Shkozë i ke lënë në mes të rrugës, por ai bëhet vonë këtij?
1.3 miliard euro në vit, edhe po të digjeshin si letër ngrohje, mjaftojnë për ta ngrohur, të tjerat janë bullshit, bajga! Vjen këtu e ndot ambientin, ti je shkaktari kryesor që 56% e shqiptarëve duan të largohen nga vendi. Ti je përgjegjësi i një ekonomie në krizë që prodhon vetëm drogë. Je autori i marrjes peng të demokracisë!
Kush i ul pushtetarët në një tavolinë me krimin? Je ti Edi Rama! Mund të vish këtu, të dridhesh e stërdridhesh, të shpikësh justifikim pas justifikimi, por përgjegjësia je ti Edi Rama!
