Edhe pse në opozitë pasuria e liderit të PD-së Lulzim Basha vjen e shtohet çdo ditë dhe më shumë. Pas kunatit, i cili i shton bizneset nga viti në vit, në skenë ka dalë edhe bashkëshortja e vëllait të tij, Eda Basha.
Një nga portalet e njohura britanike ka treguar me prova se si pasurohen familjarët e kreut të PD –së.
Portali britanik, The Pie News, ka botuar një shkrim, në të cilin thuhet se rrjeti i shkollave të famshme britanike King’s, do të hapë një shkollë të re në Shqipëri në bashkëpunim me kompaninë shqiptare “Sapaud”, e cila drejtohet nga kunata e Lulit, Eda Basha.
Kjo e fundit e ka marrë liçensën nga Ministria e Arsimit dhe sipas “The Pie News”, “ King’s Tirana” dhe pritet të hapë dyert e shkollës në shtator 2018.
Sipas The Pie News shkolla e re, do të sigurojë një arsim ndërkombëtar për fëmijët e arsimit nëntëvjeçar.
Tashmë kunatit i është bashkuar edhe kunata, bashkëshortja e vëllait të Bashës, e cila me bekimin e Qeverisë dhe kryeministrit Edi Rama, do të administroje një aset të madh ekonomik.
Në një vëzhgim të CNA.al pranë Qendrës kombëtare të regjistrimit, rezulton se kunata Eda Basha, është administratore e kompanisë “Sapaud” e cila me datë 20.11.2017 edhe pjese e bizneseve ne Shqipëri.
Dhe me datë 17.04.2018, Eda Basha, ka shtuar dy adresa dytësore. Është shtuar Adresa: “Tirane; Farke; Lundër;Rruga Kodra e Dërhemit, Godina Arsimore Kazazi, Hyrja A, Lunder 1; si dhe Adresa: “Tirane; Farkë; Lundër; Rruga Kodra e Dërhemit, Godina Arsimore Kazazi, Hyrja B, Lundër 1;
Më poshtë do të gjeni certifikatën e regjistrimit:
