Basha në Malësinë e Madhe: Potencial nga bimët medicinale

Kreu i Partisë Demokratike Lulzim Basha zhvilloi një takim me përfaqësues të Shoqatës së Bimëve Mjekësore, ku firmosi marrëveshjen e bashkëpunimit me përfaqësues të kultivuesve të bimëve medicinale.

“Gjatë këtyre viteve kam vizituar Malësinë e Madhe disa herë. Edhe e di që aktiviteti i mbledhjes, kultivimit dhe eksportit të bimëve medicinale ka qenë një nga aktivitetet kryesore. Është një nga aktivitetet kryesore, brenda një prej degëve të ekonomisë shqiptare, që është bujqësia. Ne e konsiderojmë këtë sektor strategjik, sepse lidhet drejtpërdrejt me ½ banorë të vendit tonë. Kemi thyer një tjetër rekord në Ballkan, do të thoja edhe në planet. Jemi vendi që në letër ka subvencionet më të papërfillshme për ketë sektor. Ndërsa BE gjysmën e buxhetit e ka subvencione për fermerët. Le të shohim ca bën qeveria e Kosovës, e Maqedonisë së Veriut, 100-120 milionë euro mbështetje për fermerët, për të mos folur për çmimin e naftës, te investimet që mungojnë. Diferenca duket qartë, mirëqenia e fermerit kosovar të Maqedonisë së Veriut nuk ka të krahasuar me fermerët shqiptarë. Fermeri shqiptar, i pambështetur, i pasubvencionuar, nuk arrin të nxjerrë koston e prodhimit, e jo më të nxjerrë një fitim. Si do ia shpjegosh vuajtjen e nënave, kur ke pasur 8 vjet pushtetin, dhe të rinjtë largohen si punëtorë sezonal në Maqedonisë së Veriut. Zgjidhja jonë është e qartë, Shqipëria nuk do të jetë vendi i parë në Ballkan që nuk jep subvencione. Paketa jonë e parë do të jetë subvencion 100 milionë euro. 100 milionë euro në vit do të mundësojnë që fermeri shqiptarë ta gëzojë frytin e djersës së vet. Nuk do të thotë të mbajë veten dhe fëmijët me bukë. Por të kthehet në pjesë të shtresës së mesme me të ardhura 1 milionë lekë të vjetra në muaj”, tha kryetari i PD.

Lexo edhe :   Basha pritet me entuziazëm në Divjakë: "...shikohet ndryshimi që po vjen"

“Nga studimet e ekspertëve tanë, se mbështetja e bimëve medicinale dhe erëzave është një aktivitet me potencial të jashtëzakonshëm për të rritur mirëqenien në këtë sektor. Kërkesa në vendet e BE, deri në SHBA e Australi dhe Zelandë është e pangopshme. Kujtoj këtu edhe shafranin, që e krahasojnë me floririn dhe kultivohet në zonën e Dumresë. Investimi do na kthehet 30-fish si mirëqenie për fermerin. Imagjinon çfarë do të thotë kjo për familjet e këtyre zonave, në vend ti degdisin fëmijët si emigrantë në punë të zeza, apo punëtorë me mëditje në vendet fqinje. Imagjinoni se di do të lehtësojë vuajtjet e nënave, lotët e nënave që kanë 8 vjet që shohin shtëpitë që u zbrazen nga fëmijët”- deklaroi Basha.