Pas përfundimit të mbledhjes së PD me aleatët, Lulzim Basha ka folur për mediat duke treguar edhe njëherë vendosmërinë e opozitës, se është momenti për të reaguar ndaj kapjes së drejtësisë dhe dhunimit të kushtetutës nga Kryeministri Rama.
Në fjalët e tij, Basha bëri thirrje të gjithë qytetarëve që të ngrihen për të mbrojtur vlerat e demokracisë dhe vlerat e kushtetutës, pasi sipas tij, Rama me sjelljen e tij, synon të kapë sistemin e drejtësisë dhe kjo nuk do të lejohet nga opozita.
“Prokurori po zgjidhet politikisht, ndërsa kushtetuta po dhunohet në mënyrën më flagrante”-ka thënë Basha.
Gjithashtu Basha theksoi se në protestën popullore, e cila do të fillojë në 09:30 do të kërkohet mbrojtja e Kushtetutës si jashtë ambienteve të Parlamentit, por përballje do të ketë edhe brenda godinës si e vetmja formë për të ruajtur investimet e bëra në sistemin e drejtësisë.
Pjesë nga fjala e Bashës dhënë për mediat pas takimit me aleatët:
Nesër Rama do përpiqet të çojë në fund pucin e tij. Ne nuk do ta lejojmë kapjen dhe dhunimin e drejtësisë, që shqiptarët më shumë mundësi e presin dhe e kanë pritur. Ne bashkohemi nesër, që të ndajmë popullin e civilizuar nga popujt e robëruara. Rama kërkon që të mbyll dosjen e Tahirit dhe dosje të tjera me anë të manovrave të tij politike. Ne nesër do të bashkohemi për të mbrojtur kushtetutën. Aleatët tanë janë në përkrahje të opozitës kundër puçit të Ramës. Kryeprokurori po zgjidhet nga politika dhe jo sic parashikon Kushtetuta.
Ne nesër duhet të kërkojmë që të dalin dhe të bashkohemi në 09:30 para Parlamentit. Do të kemi protestën popullore brenda dhe jashtë kuvendit. Synimi ynë i përbashkët është mbrojtja e sistemit të drejtësisë si vlera më e madhe evropiane.
