Kryetari i Partisë Demokratike, Lulzim Basha pas takimeve me qytetarë dhe biznese në qytetin e Kukësit, pati një bashkëbisedim me minatorët e Kalimashit.
Teksa minatorët shprehën shqetësimet e tyre, Basha iu premtoi se do të vihen para përgjegjësisë ata që vodhën pasuritë e shqiptarëve.
Basha tha se Rama përzuri investimet e huaja dhe varfëroi Kukësin e gjithë Shqipërinë në këto 8 vite qeverisjeje. Ndër të tjera, kryedemokrati u shpreh se më 25 prill populli do e çojë Ramën në Bangladesh.
Lulzim Basha: “Një pushtutes nuk do ia kishte bërë këtë që e bëri ai ndër 8 vite. Priorite është të mbahet këtu rinia. Kukësi nuk bëhet me bangladeshas. Në Bangladesh të shkojë vetë dhe në Bangladesh do e çojmë më 25 prill. Ne sot kemi plane që i kemi hartuar me europoianë. Ata zyrtarë që do të merren me këtë cështje do të jenë në një vëzhgim kaq të rreptë saqë do duket vetingu si shëtitje në park, sepse kjo është pasuria është e shqiptarëve.”
