Kreu i demokratëve, Lulzim Basha do të zhvillojë ditën e sotme një takim në selinë blu më kryetarët e partive aleate. Takimi pritet të mbahet në orën 14:00.
Kjo mbledhje vjen pasi aleatët e PD-së kërkojnë nga kryedemokrati afrimin e të gjitha figurave që kanë kontribuar ndër vite, përfshirë këtu edhe ata të cilët janë larguar prej lidershipit demokrat përmes listave për deputet.
Kujtojmë se pas dy ditësh OSBE-ja pritet të organizojë një tryezë në funksion të realizimit të reformës zgjedhore, ndërsa e ka ftuar opozitën joparlamentare për t’u bërë pjesë e kësaj tryeze.
