Kreu i Partisë Demokratike, Lulzim Basha, ka përcjellë një mesazh për zgjedhjet në Parlamentin Evropian. Me anë të një video-mesazhi në rrjetet sociale, Basha u ka bërë thirrje të gjithë shqiptarëve kudo ku ndodhen në vendet e BE, që të votojnë për Partinë Popullore Evropiane.
“Në Shqipëri po zhvillohet një betejë për jetë a vdekje, për standarte dhe vlerat evropiane të zgjedhjeve të lira e të ndershme, të votës së lirë, të ndarjes e balancimit të pushteteve, të lirisë ekonomike dhe dinjitet për të gjithë qytetarët shqiptarë.
Këto ditë, një betejë tjetër po zhvillohet, në të gjitha vendet anëtarë të BE zgjedhjet për PPE janë një betejë për ta mbajtur Evropën të fortë e të bashkuar, demokratike e të lirë.
Kërkesa ime ndaj jush është që ti drejtoheni kutive të votimit, dhe të zgjidhni PPE, partitë tona simotra, kudo ku ndodheni, në vendet fqinje, në vendet tona mike, të zgjidhni partitë simotra, partisë më të vendosur, që ka udhëhequr Evropën”.
