Kreu i PD-së, Lulzim Basha, ka përcjlellë një tjetër reagim në Twitter, duke përsëritur mesazhin se prishja e Teatrit është akt lufte i Ramës ndaj qytetarëve. Duke ripërsëritur sërish akuzat ndaj kryeministrit, ai thotë se Rama është hajduti që vjedh shqiptarët dhe xhelati që i dhunon.
“Rama është hajduti që i vjedh shqiptarët, është mashtruesi që i gënjen, është xhelati që i dhunon. Nuk mund të vuajë një popull i tërë për makutërinë e çmendur të një njeriu! Prishja e TK është akt lufte i Ramës ndaj qytetarëve shqiptarë. Pasojat do të bien të gjitha mbi të!”.
Rama është hajduti që i vjedh shqiptarët, është mashtruesi që i gënjen, është xhelati që i dhunon. Nuk mund të vuajë një popull i tërë për makutërinë e çmendur të një njeriu! Prishja e TK është akt lufte i Ramës ndaj qytetarëve shqiptarë. Pasojat do të bien të gjitha mbi të! pic.twitter.com/jzG1giDHU9
— Lulzim Basha (@lulzimbasha_al) May 14, 2020
Pak më herët, kreu i Partisë Demokratike, Lulzim Basha zhvilloi një takim me artistët dhe përfaqësuesit e Aleancës për Mbrojtjen e Teatrit.
Në një dalje për gazetarët pas takimit me artistët, kreu i opozitës, Lulzim Basha u shpreh se shembja e Teatrit Kombëtar është një akt lufte.
Basha u bëri thirrje gjithë demokratëve dhe mbështetësve të opozitës që të reagojnë, pasi Teatri është vija e kuqe sipas tij.
