Kryetari i PD, Lulzim Basha ka udhëzuar praninë në terren të të gjithë grupit të ish-deputetëve dhe strukturave të partisë, kryesisë dhe sekretariatit të partisë.
Udhëzimi i tij ka qenë i prërë: Të takojmë qytetarët e prekur nga tërmeti, të evidentojmë çfarë nevojash kanë, dëmet e shkaktuara në banesa, të përpiqemi t’u vijmë në ndihmë me çfarë të mundemi.
Mbani lotët/ Ja gjesti i nxënësve nga Tetova për t’u solidarizuar me Shqipërinë
Basha ka pasur edhe një kërkesë tjetër për të tijët, që të shmangin daljet publike. Sipas kryetarit të bluve, e gjithe energjia duhet të jetë e fokusuar në funksion të qytetarëve.
“Qëllimi nuk është të përdorim politikisht fatkeqësinë e madhe që na ka ndodhur, por t’u vijmë në ndihmë qytetarëve, prandaj, duhet të shmanget çdo dalje publike apo reagim personal, që mund të merret si përdorim politik i fatkeqësisë”, thuhet qartë në udhëzim.
