Kryedemokrati Basha, në shenjë këmbane alarmi i ka risjellë edhe një herë në kujtesë kryeministrit Rama, në lidhje me 5 propozimet që duhet të marrë parasysh sa i takon zonave të prekura nga tërmeti. Në postimin e radhës në Facebook, kreu i PD-së shprehet se tërmeti i 26 nëntorit ka shkaktuar dëme kolosale në ekonominë e Durrësit, dhe zonave të tjera. Basha ka propozuar një paketë, për të mundësuar një rigjenerim të ekonomisë prodhuese, shërbimeve dhe biznesit të vogël në zonat e dëmtuara.
Statusi
Tërmeti i 26 nëntorit ka shkaktuar dëme të mëdha në ekonominë e Durrësit dhe zonave të tjera. Mijëra vende pune, biznesi i vogël dhe ekonomia prodhuese janë nën presion. Njësitë e hoteleri-turizmit përballen me rënie konsumi dhe i tremben reduktimit apo anulimit të prenotimeve.
Për të ndalur futjen e Durrësit në një “dimër ekonomik” me pasoja të rënda sociale që do të vinin nga reduktimi i numrit të të punësuarve, ulja e pagave të punonjësve dhe mbyllja e bizneseve, për të mundësuar një rigjenerim të ekonomisë prodhuese, shërbimeve dhe biznesit të vogël në zonat e dëmtuara, propozojmë këtë paketë të thjeshtë dhe realiste.
