Kryedemokrati Lulzim Basha i është bashkuar protestës së Astirit. Duke iu referuar fotove të publikuara nga Partia Demokratike, në këtë zonë dallohen forca të shumta të policisë, ndërsa prezenca e tyre denoncohet nga selia blu.
Dhjetëra banorë të “Unazës së Re” po protestojnë kundër shembjes së banesave të tyre. Nga ana tjetër, PD e konsideron të panevojshme praninë e forcave.
“Forca të shumta policore kundër banorëve tek Unaza e Re, megjithëse këta banorë (shumica gra dhe fëmijë) kanë protestuar paqësisht. Prania e pothuaj gjithë policisë së Tiranës dhe forcave speciale në një protestë qytetare është absolutisht e pajustifikueshme.”
