Kryetari i Partisë Demokratike, Lulzim Basha, vijon me akuzat e tij ndaj kryeministrit Rama, teksa përmes një videoje të shpërndarë në Facebook, e akuzon këtë të fundit për miliona euro shpenzime për luks nga paratë publike.
Basha shprehet se ai jeton në luks me gjobat e vendosura ndaj bizneseve të vogla teksa shprehet se Vetëm për luksin e zyrave në kryeministri ka shpenzuar mbi 5.5 milionë euro. Ai e akuzon gjithashtu edhe për ‘kontrata sekrete’ me miqtë e tij, duke u shprehur se ai i jep koncesionet pa një garë.
“Edi Rama është një hajdut që jeton mes luksit me para publike. Vetëm për luksin e zyrave në kryeministri ka shpenzuar mbi 5.5 milionë euro! Edi Rama i ka dhënë pa tender një firme fantazmë 3.2 milionë euro për luksin e zyrës së tij. 14.3 milionë euro janë kontrata sekrete, pa garë. Përfituesit kryesorë: Familja dhe miqtë, baxhanaku Armand Frangu, Alban dhe Olsi Efitimi, megahajduti Ilir Beqja. Vjedhja dhe grabitja janë i vetmi aktivitet i Ramës! Edi Rama nuk jep llogari për vjedhjen e shqiptarëve sepse ai vjedh zgjedhjet! Kjo krizë zgjidhet vetëm me pranga në duart e politikanëve hajdutë!”, thuhet në video.
Postimi i plotë:
Pasuri dhe Luks për vete, Papunësi, Varfëri Padrejtësi dhe Pasiguri për njerëzit.
Hajduti Psiqik dhunon dhe gjobit sipërmarrjet e vogla që mezi mbajnë me bukë shumicën e familjeve shqiptare! Me paratë e grabitura atyre financohen luksi dhe qejfet e Hajdutit Psiqik dhe klientëve të tij.
Ja si harxhon miliona euro të shqiptarëve për luksin e tij dhe kontrata ‘sekrete’ për miqtë dhe familjarët e tij Hajduti Psiqik.
