Kryedemokrati Lulzim Basha i është përgjigjur kërcënimit të djalit të deputetit socialist, Rrahman Rraja.
Që nga publikimi i video-skandalit, Rexhep Rraja ka pretenduar se e gjithë dëshmia është një sulm politik skenuar nga Partia Demokratike. Madje, me duar në pranga, ai nuk u tremb të fliste para kamerave duke kërcënuar kreun e PD-së.
“Lulzim Basha do e shohë në zgjedhje”, tha Rraja. Sot, gjatë prezantimit të platformës “Për çlirimin e zgjedhjeve”, Basha iu përgjigj Rrajës teksa tha:
“Përdhunuesi sadist Rexhep Rraja e kërcënoi opozitën me hakmarrje elektorale. Ne nuk konkurrojmë me socialistët, pushteti mbahet nga krimi”.
Edhe deputeti i LSI-së, Luan Rama ka folur lidhur për rastin e Xhisiela Malokut, duke thënë se kur Rrexhep Rahja iu drejtuar Bashës me fjalët “do shihemi në zgjedhje”, sipas tij ka folur në emër të mazhorancës:
“Krimineli Rahja, nuk foli në emër të vet kur tha “do të shihemi në zgjedhje”. Ai ka folur në emër të mazhorancës. Rrahja ka folur si zëdhënës i mazhorancës”.
Më tej, ai ka zbuluar një tjetër krim kur ka thënë se do t’i turret këmba-këmbës ish-nënkomisarit Emiljano Nuhu.
“Në përpjekje për të mbuluar një krim kryetari i rilindjes zbuloi një krim tjetër. Ai deklaroi se do t’i turret këmba-këmbës një ish-oficerit që denoncoi krimin”, tha Luan Rama.