Pas mesazhit të nënkuptuar me video dhe zbardhjes së protestave nga ana e opozitës së bashkuar, Rama ka zgjedhur që të japë reagimin e parë.
Lidhur me akuzat, ofendimet e mallkimet që kanë drejtuar në emër të tij, kreu i qeverisë thotë se nuk është i pagabueshëm, por për asnjë arsye nuk ka lidhje me të ashtëqujturat ‘punë të zeza’.
Sa i takon fjalës së regjisorit Edmond Budina, kryeministri Rama thotë se është në të dreejtën e tij që të mendojë ndryshe nga artistët e tjerë.
Kryetari i Partisë Demokratike, Lulzim Basha, ka deklaruar sot se shumë shpejt do të nisin protestat. Ky është vendimi i selisë blu i marrë pas mbledhjes së Lulzim Bashës me krerët e partive aleate, pas prishjes së godinës së Teatrit Kombëtar.
Statuset në Twitter
Unë s’jam as shenjt e as i pagabueshëm dhe nuk ndal dot askënd të më pikturojë si djall, por unë kam lidhje autorësie me punët e zeza që më akuzoni,po aq sa ç’kanë lidhje me Shekspirin dhe Molierin ato partitë që u ngulën tek teatri si në sheshin e radhës për përsheshin e radhës!
Por ty nuk të takon të shash,fyesh e shpifësh njësoj si ata e as nuk ke të drejtë t’i imponohesh vullnetit të qeverisë,bashkisë apo shumicës së komunitetit teatror, sepse sharjet e fyerjet s’janë art, shpifjet s’janë trashëgimi kulturore dhe demokracia nuk është teatër absurd…
Je në të drejtën tënde të mendosh njësoj si partitë e atyre që s’kanë ngulur një gozhdë për artin,kulturën,teatrin e donin ta kthenin edhe TK në zgjatim të politikës së tyre me bishtin kular në këmbët e Shqipërisë,ku çdo punë e jona përbaltet me fjalorin ekstrem të vulgaritetit..
Dy fjalë njeriut të mirë Edmond Budina: Je në të drejtën tënde të vazhdosh të mendosh ndryshe nga Robert Ndrenika,Luftar Paja, Gëzim Kame,Viktor Zhusti,Ruzhdi Pulaha,Pirro Milkani,Albert Minga, Altin Basha e plot të tjerë,që janë historia e vjetër dhe e re e skenës kombëtare…
