Pas kërkesës se Shullazit për të dëshmuar në gjykatë edhe ish-kryeministri Berisha, ka reaguar kreu i PD-së Lulzim Basha, duke i dalë në mbrojtje deputetit demokrat.
Ky i fundit shkruan se kërkesa e Shullazit dhe Tahirit në sintoni të plotë nuk është rastësi, por përpjekje e dy ortakëve, me urdhër të Ramës, për të larguar vëmendjen nga krimet dhe trafiqet ku janë përfshirë së bashku.
Më tej, kreu i Partisë Demokratike shprehet se t’i kërkosh Ramës të luftojë krimin e organizuar, është njësoj si t’i kërkosh të luftojë vetveten.
POSTIMI I BASHËS:
Sajmir Shullazi dhe Emiliano Tahiri ne sintoni te plote me njeri tjetrin kerkojne deshmine e Sali Berishes. Kjo natyrisht nuk eshte rastesi por nje perpjekje e koordinuar mes dy ortakeve me urdher te Edi Rames per te larguar vemendjen nga krimet dhe trafiqet ku jane perfshire se bashku. Ti kerkosh Edi Rames te luftoje krimin e organizuar eshte njesoj si ti kerkosh te luftoje vetveten.
