Kreu i Partisë Demokratike, Lulzim Basha, akuzoi kryeministrin Rama lidhur me procesin e legalizimeve.
Në postimin e tij në Facebook, Basha shkruan se Rama i mashtroi shqiptarët kur i premtoi legalizimet falas dhe shtoi se i vetmi shpëtim është largimi sa më parë nga posti i kryeministrit.
Kryetari i opozitës shpërndau edhe një video në të cilën, sipas tij, fakton premtimet e pambajtura të kryeministrit.
“Premtoi legalizim falas por shkatërroi qindra banesa dhe nxorri mijëra fëmijë dhe të moshuar në mes të katër rrugëve. Për të vjedhur paratë e taksave dhe grabitur pronat e tyre, Edi Rama mashtroi dhe dhunoi shqiptarët. Vetëm largimi i Hajdutit Psiqik dhe bandës së tij sjell siguri, mirëqenie dhe punësim për çdo familje shqiptare. #RamaIk #HajdutiPsiqik #ShqipëriaSiEuropa”, shkruan Basha në postimin e tij.
