Kamza dhe Tirana nuk kanë arritur më shumë se një barazim në sfidën e parë të fazës së dytë në Superiore. Të dy skuadrat janë zhytur në krizë rezultatesh, por edhe në përballjen mes tyre nuk arritën më shumë se një barazim 1-1.
Bardheblutë e Ardian Memës, ishin më aktivë dhe më kërkues, ndonëse as vendasit e drejtuar nga trajneri elbasanas, Klodian Duro nuk mbetën mbrapa, në kërkim të fitores së munguar prej shumë javësh.
Golat në këtë takim u realizua në pjesën e dytë. Ishte Tirana e para që kaloi në avantazh në minutën e 64’ me anë të sulmuesit Sentamu.
Kamza reagoi vetëm 5 minuta më vonë dhe ishte japonezi Fukui, që shfrytëzoi një top të grushtuar keq nga portieri bardheblu, për ta dërguar në rrjetë dhe për të rivendosur baraspeshën.
Goli i Fukuit on Vidnews.
Në fund Tirana kishte disa raste të mira për të fituar ndeshjen, por Hasani nuk arrin të mbyllë si duhet një kundërsulm, duke u bllokuar nga mbrojtësi kundërshtar në momentin e goditjes.
Pas kësaj ndeshjeje, si Tirana, ashtu edhe Kamza mbeten në të njëjtat pozita në renditje, konkretisht në vendin e 7 dhe të 8, por me ndryshimin se tashmë kanë nga një pikë më tepër, 9 për bardheblutë dhe 8 për kamzalinjtë.
