Banorët e 5 Majit, Laprakës dhe të Paskuqanit në Tiranë që preken nga projekti për shkatërrimin e pronave të tyre, po protestojnë para Kuvendit.
Banorët me pankarta në duar kërkojnë mbështetjen e deputetëve të zonës, dhe të kryeministrit Rama, në lidhje me shqetësimin e tyre.
Ata kanë kërkuar ndërmjetësim nga parlamenti për transparencë për projektet, si dhe kontratë të ligjshme me bashkinë për banesat e reja.
Banorët kanë thënë se kanë marrë kontratë të njëanshme nga bashkia. Për ta, bonusi i qirasë është qesharak.
