Banorët e Astirit kanë dalë sot në protestë, pasi kanë pasur një informacion se kryeministri Rama do të vizitonte Fabrikën e Miellit në Tiranë. Kjo ka bërë që ata të bllokojnë rrugën, duke i bërë ‘pritë’ Ramës, teksa kërkojnë që shtëpitë e tyre të mos prishen.
“Kemi 7 muaj në rrugë, në protestë dhe kryeministri s’na ka pritur asnjëherë. S’do t’ia dijë, ju po boshatisni Shqipërinë, po boshatisni familjet shqiptare”, tha një protestuese duke kundërshtuar kërkesën e policisë për të liruar rrugën.
Bllokimi i rrugës ka shkaktuar indinjatë edhe të shoferët, të cilët kërkojnë të kalojnë duke u rënë borive.
Banorët janë përplasur edhe me efektivët e policisë, duke hedhur vezë në drejtimin e tyre. Ata insistojnë se nuk do të largohen, derisa të përballen me kryeministrin Rama.
