Banorët e zonës së “5 Majit”, janë mbledhur para Kuvendit dhe duan të bllokojnë hyrjen e deputetëve. Bashkë me banorët e kësaj zone janë mbledhur edhe ata të Laprakës, që pretendojnë se edhe shtëpitë e tyre do t’u prishen.
Banorët kundërshtojnë shembjen e banesave nga Bashkia e Tiranës. Ata kanë theksuar se do të protestojnë gjatë gjithë ditës, për t’u dëgjuar zëri i tyre.
Nga ana e policisë janë marrë masat, në mënyrë që të parandalojnë ndonjë përshkallëzim të protestës, por deri më tani ka qenë një tubim i qetë.
