Policia ka mundur të identifikojë personin që u gjet i mbytur një ditë më parë në plazhin e Durrësit. Viktima është një 82-vjeçar i identifikuar me inicialet N.M. I ndjeri banonte në Serbi, ndërsa në vendin tonë kishte ardhur me pushime. Vdekja e tij mësohet se ka ardhur nga shkaqe natyrale, pasi u fut të lahej në det.
Njoftimi i policisë:
Në vijim të informacionit të dhënë ditën e djeshme për një shtetas të paidentifikuar që u mbyt duke u larë në det, rreth 12:55, në lagjen nr. 13, Plazh, Durrës, ju informojmë se pas veprimeve hetimore rezultoi se është shtetasi N. M., 82 vjeç, banues në Serbi (pushues), i cili ka humbur jetën nga shkaqe natyrale.
