Presidenti Ilir Meta ka reaguar pas vendimit të Këshillit Mbikëqyrës së Bankës së Shqipërisë, për uljen e normës bazë të interesit nga 1% në 0.5%.
Përmes një postimi në Facebook, Meta përshëndet vendimin e këshillit, teksa thekson se ishte i nevojshëm për shkak të situatës së krijuar në vend nga përhapja e koronavirusit.
Gjithashtu ai pohon se ky vendim do të ndihmojë në koordinimin e politikës monetare lehtësuese me politikën fiskale.
Postimi i plotë:
Përshëndes vendimin e Këshillit Mbikëqyrës së Bankës së Shqipërisë për uljen e normës bazë të interesit nga 1% në 0.5%. Ky vendim i Bankës së Shqipërisë është i nevojshëm në situatën e krijuar, për të koordinuar politikën monetare lehtësuese me politikën fiskale të ndërmarrë nga Qeveria.
