Hetimet për bandën e Habilajve janë mbyllur nga Prokuroria e Catanias dhe tashmë grupit pritet që brenda pak javësh të dalë të gjyq. Por dy ditë më parë në media qarkulloi lajmi se 41-vjeçari Nazar Seiti, i njohur si financieri i Habilajvë, do të takohej me prokuroret e Catanias për të bashkëpunuar me atë, shkruan Tirana Today.
Por media italiane “MeridioNews”, e cila ka ndjekur hap pas hapi zhvillimet dhe hetimet për bandën e Habilajve shkruan, se: “Thashethemet për një marrëveshje të mundshme mes prokurorëve dhe 41-vjeçarit po qarkullojnë. Hipoteza, megjithatë, nuk gjen ndonjë konfirmim. Shqiptari, 41 vjeç, u transferua në Itali, sepse ai ishte i përfshirë në hetimin e bandës Habilaj. Kjo është e akuzuar për trafikimin e drogës, e cila udhëhiqej nga të afërmit e ish-ministrit të brendshëm Saimir Tahiri”.
Më tej në shkrimin e saj media italiane bën të ditur dhe ngre pikëpyetjen nëse financieri i Habilajne; ka bashkëpunuar apo nuk ka bashkëpunuar me autoritetet italiane?
“Hetimi” për operacionin e koduar “ wind Rose”, ishte i përqendruar në trafikimin e drogës nga Shqipëria në Itali. Por protagonist këtë herë në lajmet që qarkullojnë nëpër media është bërë Nazer Seiti, 41 vjeç, i ekstraduar nga Shqipëria për në Itali në fillim të vitit 2018, pasi u arrestua në mes të tetorit të vitit të kaluar nga policia shqiptare.
Sipas thashethemeve, por ata nuk gjejnë ndonjë konfirmim, njeriu dje do të duhej të takohej me gjyqtarët e Prokurorisë në Catania. Ai ishte pjesë e grupit që drejtohej nga vëllezërit Florian dhe Moisi Habilaj. Këta janë emrat pak të njohur në Itali, po në Shqipëri, pas arrestimit të tyre, kanë dalë të dhëna dhe ka plasur një krizë e thellë në qeveri për shkak të lidhjeve të tyre të gjakut me ish-Ministrin e Brendshëm Saimir Tahiri.
Emri i politikanit del gjatë përgjimeve telefonike te grupit, dha tashmë ai është nënë hetim nga Prokuroria e Krimeve të Rënda në Tiranës”- shkruan “MeridioNews”.
Ndërsa ndër të tjera media italiane bën të ditur se: “Seiti, i konsideruar nga hetuesit, si financieri i grupit, momentalisht mbahet në Romë, në burgun e Rebibbia. Asnjë transferim në Catania, pasi dy ditë më parë Basir Collaku postoi në Facebook se ai do të bashkëpunonte me prokurorine në Catania. Pstaj postimi dhe reagimi i tij u shpërnda në të gjitha mediat. Për Seitin, si dhe për të dyshuarit e tjerë, prokuroria ka mbyllur dosjen e hetimeve dhe së shpejti banda Habilaj dhe partnerët, duke përfshirë edhe disa shitës italianë të cilët kishin operuar në Catania. do të dalin në gjyq. Dëgjimi i parë, me gjasë, mund të ndodhë brenda pak javësh edhe pse data nuk është caktuar zyrtarisht”.
Gjithashtu media italiane shkruan se: “Policët shqiptarë arrestuan Seitin gjatë një sulmi kundër drogës në Babicë, pranë Vlorës. Procedurat për ekstradimin e tij nuk ishin të thjeshta pati shumë polemika politike. Partisë Demokratike, kritikoi vendimin e qeverisë për ekstradimin e Seitajt. Sipas tyre, ministrja e drejtësisë Etilda Gjonaj kishte dhënë dritën e gjelbër për transferimin në Itali për të shmangur përfshirjen në dosjen e Prokurorisë së Tiranës. Dëgjimi që me gjasa do të mbahej një ditë më parë në në orën 14:00, u mohua për MeridioNews nga avokati i Seitit, Maurizio Catalano. Pozicioni i tij ishte në përputhje me atë që ka thënë për media një ditë më parë homologu i tij shqiptar Detar Hysi. “Seiti nuk ka shprehur ndonjë dëshirë për t’u penduar,” shpjegoi avokati. TIRANA TODAY
