Ish-presidenti Bamir Topi deklaroi në emisionin “Kjo javë”, se rruga e vetme se si mund të rrëzohet nga pushteti kryeministri Edi Rama, është përmes tryezës së Këshillit Politik për Reformën Zgjedhore.
Sipas Topit, përmes një reforme gjithëpërfshirëse, Rama mund të ikë nga pushteti.
“Shumë e thjeshtë. Edi Rama largohet me atë tryezë që po bëhet sot tek Pallati i Kongreseve. Një Reformë Zgjedhore gjithëpërfshirëse. Një koalicion i madh mbi bazën e parimeve, jo përfitimeve. Do të jap kaq, apo aq karrige.
Rama rrëzohet vetëm në këtë mënyrë. Përndryshe duke thënë që me Gjiknurin nuk ulemi dhe shkojnë e ulen, thonë që do bëjnë ndryshim dhe nuk e bëjnë, thonë do bëjnë transparencë dhe nuk bëjnë, unë s’e di.
Rama rrëzohet tek tavolina që po bëhet sot te Pallati i Kongreseve. Fakti që këta e lidhin me një datë fikse, 31 maj është një gabim i madh. Në mënyrë reciproke i nxjerrin njeri -tjetrit armën e dobët”, u shpreh ai.
