Një automjet është gjetur i djegur mëngjesin e sotëm në qytetin e Ballshit. Makina e tipit BMW mendohet se i përket nënkryetarit të bashkisë së këtij qyteti, Hajredin Seranaj.
Ngjarja dyshohet të ketë ndodhur rreth orës 02:35 të mëngjesit, ndërsa mjeti ishte në pronësi të nënkryetarit të bashkisë Ballsh, Seranaj dhe ndodhej i parkuar.
Në vendngjarje ka shkuar grupi hetimor, i cili po heton për zbardhjen e shkaqeve të djegies së mjetit dhe rrethanave të plota në ngjarjes. Paraprakisht dyshohet se makina është djegur si rrjedhojë e një shkëndije elektrike në të, teksa ka qenë e parkuar.
Njoftimi i policisë: Në datën 24.08.2018, rreth orës 02:35, në lagjen “29 Nëntori” Ballsh, është djegur mjeti tip BMV(i parkuar) në pronësi të shtetasit H.S (Nënkryetar i Bashkisë Ballsh).
Paraprakisht dyshohet se makina është djegur si pasojë e një shkëndije elektrike në mjet.
Në vendngjarje ka shkuar grupi hetimor i cili po punon për sqarimin e rrethanave dhe zbardhjen e plotë të kësaj ngjarje.
