Kryetari i Grupit Parlamentar të PS, Taulant Balla gjatë një seance dëgjimore me Komisionin për Çështjet e BE-së në Parlamentin e Holandës tha se shqiptarët që jetojnë dhe punojnë në Holandë po keqinformohen jo në mënyrë të drejtë nga mediat.
“Ne politikanët dhe vendim-marrësit duhet të dallojmë perceptimin mediatik nga perceptimi real i njerëzve për kriminalitetin. Shqiptarët që punojnë e jetojnë në Holandë janë qytetarë normalë e dinjitozë, por demonizohen padrejtësisht nga media. Kriminelët nuk kanë as ngjyrë, as atdhe. Ata duhet t’i luftojmë bashkërisht dhe qeveritë dhe policitë e Shqipërisë dhe Holandës po bëjnë pikërisht këtë”, deklaroi Balla.
Deputetët holandezë vlerësuan bashkëpunimin mes qeverisë shqiptare dhe asaj holandeze në luftën kundër korrupsionit dhe krimit të organizuar, ndërsa deputetët e Komisionit i konsideron reformat e ndërmarra nga qeveria shqiptare, të dobishme, dhe jo thjesht kërkesa për hapjen e negociatave me BE-në.
