Sekretari i Përgjithshëm i PS-së, Taulant Balla, prezantoi sot projektrezolutën për “Ndërhyrjet e Huaja në Proceset Elektorale dhe Dezinformimin në Proceset Demokratike Kombëtare”.
Në fjalën e tij para Komisionit të Jashtëm, Balla deklaroi se ishte rezoluta e miratuar nga Parlamenti Evropian, ajo e cila u bë shkas për këtë nismë. Balla shtoi se ka pasur qasje të ndikimeve ruse mbi vendet e Ballkanit Perëndimor. Kjo sipas tij është faktuar nga studimi i kryer nga fondi ‘Marshall’.
“Shkas për këtë nismë u bë rezoluta e miratuar nga Parlamenti Europian. Ka pasur qasje te influencës ruse në vendet e rajonit te Ballkanit Perëndimor. Ka një studim për ketë influence dhe studimi i kryer nga fondi Marshall. Është argument pa bazë që Shqipëria është imune nga influenca ruse. Fondacioni “Konrad Adenauer” në studimin e tij thotë se influenca ruse ecën me moton: përça e sundo. Meqenëse vendi ynë nuk mundet të jetë imun ndaj dezinformimi dhe ndërhyrjet e huaja, kam ndërmarrë ketë projektrezolutë”, tha ai.
