Për kreun e grupit parlamentar Taulant Balla, Ilir Meta është zgjedhje e gabuar e FRESSH, si një nga themeluesit e këtij forumi.
Në një takim me të rinjtë në Elbasan, Balla u shpreh se FRESSH ka prodhuar pafundësisht politikanë, por ka edhe ndonjë kalli që nuk bën, si në rastin e Metës.
Taulant Balla: ”Fressh është një forum që ka një status të rëndësishëm në jetën politike të vendit. Ka prodhuar pafundësisht politikanë, ka bërë edhe ndonjë zgjedhje të gabuar, siç ishte Ilir Meta. Kemi pasur edhe atë kryetar Fresh-i, por edhe në një arë me misra, ka ndonjë kalli që nuk bën. Por përgjithësisht Fressh-i ka nxjerrë djem e vazja të cilët kanë ditur të ecin në rrugën e politikës”.
Ndër të tjera, Balla u bëri thirrje të rinjve të aplikojnë në platformën deputeti që duam për t’u bërë pjesë e skuadrës kombëtare të PS në zgjedhjet e 25 Prillit.
