Kreu i grupit parlametar të Partisë Socialiste, Taulant Balla ka vijuar replikat me Presidentin e Republikës, Ilir Meta pasi paralajmëroi nisjen e procedurave për shkarkimin e Kreut të Shtetit.
Balla shprehet se Meta, bazuar në reagimet e tij, ka tharë një shishe raki dëllenje dhe tashmë duhet të vijojë me të rrushit dhe kumbullës, por me Elbasanin s’duhet të merret.
“Likja e paska tharë që në mëngjes shishen e rakisë së dëllinjës! Tani vazhdo me kumbullën Like dhe në darkë kalo ke rrushi, se LSI-së s’ke ça i pi më! Po Elbasanin mos e kujto fare se do të duhet raki pishe pastaj!”, shkruan Balla në rrjetin social, Facebook.
Pas përfundimit të procesit të numërimit të votave, pritet një beteje e ashpër midis mazhorancës dhe Presidencës. Pak para zgjedhjeve, Presidenti Meta deklaroi se do të jepte dorëheqjen nëse kryeministri Edi Rama do të fitone 71 mandate pa cënuar asnjë votë.
Por, një gjë e tillë nuk ka ndodhur, ndaj dhe Partia Socialiste do të ndërmarrë hapat ligjorë për shkarkimin e tij.
