Kreu i grupit parlamentar të Partisë Socialiste Taulant Balla, deklaroi se për shkak të votave të pavlefshme, kjo forcë politike humbi 4 mandate.
Gjatë fjalës së tij në asamblenë e partisë, Balla u shpreh se në total mazhoranca duhet të kishte 78 mandate, dhe jo 74.
Ndër të tjera, Balla u shpreh se PS po përgatitet për fitoren e zgjedhjeve vendore të vitit 2023, dhe ato parlamentare të 2025-ës.
Taulant Balla: “Ne duhet të bëjmë një analizë të plotë të rezultatit të zgjedhjeve në çdo qark. Edi Rama tha në takimin e parë me grupin parlamentar pas zgjedhjeve se ne do të kishim 78 mandate nëse nuk do të kishim humbur 4 mandate për shkak të votave të pavlefshme. Nga analiza jonë ne duhet të bëhemi tërësisht gati për fitoren e zgjedhjeve vendore në vitin 2023, natyrshëm edhe për ato parlamentare të vitit 2025.”
