Publikimi i një tjetër materiali nga ana e PD-së, ku pretendohet se Fredi Alizoti është intimiduar nga kreu i policisë dhe funksionarë të mazhorancës, ka krijuar kaos.
Avokati Spartak Ngjela, i mëshon fort faktit se kjo është një gjë e mirëmenduar. Për të, ky është një komplot i demokratëve në bashkëpunim dhe me kryeministrin, për largimin e Ministrit të Brendshëm, Fatmir Xhafaj.
“Gënjeshtër, pse merreni me atë? Unë e kam shprehur mendimin tim. Ai ishte një montim, tani u kapën. Çdo bëjë ligji, nuk e di. Unë e kuptova që atëherë që këtë po e hetonte FBI. Këto janë alibitë mbrojtëse, por nuk shpëtojnë dot.
Ai ishte një bashkëpunim, edhe Rama ishte me Babalen. Ishte një komplot mediatik kundër Ministrit të Brendshëm, por që amerikanët nuk e hëngrën fare. E hetuan. I interesonte kryeministrit, është kundër, nuk e donte këtë ministër.
Tani Rama ngaqë prishi marëveshjen me Bashën, ka ndryshuar nga forca amerikane. Nuk ka rrugë tjetër”, tha ai në “Ora News”.
