Ish-deputeti i Partisë Demokratike, Ervin Salianji ka hedhur akuza ditën e sotme ndaj prokurorit Gent Osmani. Sipas tij, Osmani është i përfshirë në veprimtari inkriminuese, ndërsa shton se është vënë në shërbim të kryeministrit Rama dhe ish-ministrit Fatmir Xhafaj.
Salianji ka dorëzuar sot pranë KPK-së një material inkriminues për integritetin e prokurorit, për të cilin deklaroi se nuk duhet që të kalojë procesin e Vettingut, për shkak të bisedave të tij me elementë kriminalë si Alfred Alizoti.
Në audio-përgjim, sipas Partisë Demokratike, Osmani flet me dëshmitarin e sajuar, Alizotin. Për Salianjin, bashkëpunimi mes tyre bëhet për të mbuluar përfshirjen në trafikun e drogës të Agron Xhafajt, vëllai i ish-ministrit të Brendshëm Fatmir Xhafaj.
Ndër të tjera, Salianji nënvizon se KPA jo vetëm që duhet të mos e kalojë Osmanin në vetting, por ai duhet që të hetohet për “shpërdorim detyre”.
Gent Osmani: Po.
Fredi Alizoti: Përshëndetje, Genti?
Gent Osmani: Po.
Fredi Alizoti: Fredi jam.
Gent Osmani: Urdhëro?
Alizoti: Fredi, Fredi jam, Alizoti.
Alizoti: Si kalon.
Alizoti: Alo, Genti ti je?
Gent Osmani: Po pra, unë jam. Jo Genti, por prokuror Genti, se s’jam shoku jot.
Gent Osmani: më thuj.
Alizoti: Na fal,
Gent Osmani: Fredi, je thirr nesër në ora 10 të jesh tek zyrat e mia, dhe duhet të jesh patjetër me dokument identifikimi. Mirë?
Alizoti: Po mund të takohemi në fillim? Po pati mundësi 5 minuta
