Ditën e sotme kanë dhënë dëshminë e tyre për çështjen “Babale”, ish-drejtori i Policisë së Fierit, Albert Nushi, dhe ish-zëvendësdrejtori i Policisë së Tiranës, Erzen Breçani.
Në audio-përgjimin e publikuar nga Partia Demokratike, thuhej se vëllai i ish-ministrit të Brendshëm, Fatmir Xhafaj, Agron Xhafaj, ishte i implikuar në trafikun ndërkombëtar të drogës, si dhe shumë zyrtarë të tjerë shqiptarë, një pjesë e të cilëve janë në hetim.
Albert Nushi mësohet të ketë deklaruar se : “Isha duke shkuar në Tiranë, u ktheva të takoj Fred Alizonit. Jam kthyer nga rruga dhe jam takuar me të. Alizoti telefonoi sallën operative të bënte kallëzim. Atë e njihja për shkak të detyrës.”
Ndërsa, Breçani është shprehur se Fredi Alizotin dhe Veliun i ka takuar rastësisht në oborrin e PD.
“Fredi Alizotin e Albert Veliun i takova rastësisht në oborrin e PD. Alizoti u prezantua si kunati i Albert Veliut. Më tha se kishte besim tek unë dhe do më tregonte diçka. I dhashë 40 mijë lekë të vjetra Alizotit se ishte pa ngrënë. Edhe Albert Veliut i kam dhënë 10 mijë lekë të vjetra. Gjatë bisedës me Alizotin ai më tregoi se e gjitha bëhej për azil”, tha Breçani.
