Babai i Rihanna-s, Ronald Fenty, ka rrefyer se kishte pasur frikë për jetën e tij pasi luftoi me koronavirusin.
66-vjeçari falenderoi vajzën e tij për kujdesin e çdo dite qe ajo pati ndaj tij. Madje, këngëtarja
32-vjeçare arriti të merte një ventilator pulmonar per te atin, duke e dërguar në shtëpinë e Karaibeve.
“Vajza ime Robyn më kontrollonte çdo ditë,” tha ai. “Mendova se do të vdisja, në të vërtetë. Duhet të them se të dua aq shumë, Robyn”.-u shpreh babai i emocionuar.
“Ajo bëri shumë për mua. E vlerësoj gjithçka që bëri.” I ati Rihannes mendonte se sëmundja, e cila ka infektuar më shumë se një milion njerëz në mbarë botën, nuk do e kursente atë.
Duke diskutuar për simptomat e tij, ai tha se kishte temperaturë shumë të lartë. Për fat të mirë, mjekët thanë se ai ishte shëruar nga Covid-19 pasi kaloi 14 ditë në karantinë në Qendrën e Izolimit Paragon.
Rihanna, ndërkohë, ka dhuruar më shumë se 5 milion dollarë për të ndihmuar në betejën kundër kësaj epidemie globale, përmes Fondacionit të saj Clara Lionel.
