Babai i futbollistit të njohur argjentinas Lionel Messi, Jorge Messi është shoqëruar në një rajon policie në Rosario të Santa Fe-së gjatë mbrëmjen së djeshme, pasi ka aksidentuar me makinën e tij një çiklist.
24-vjeçari i paindetifikuar ka rënë pa ndjenja në tokë pas përplasjes dhe më pas është shoqëruar menjëherë në spital. Fatmirësisht i plagosuri nuk ka marrë plagë serioze dhe është jashtë rrezikut për jetën. Babai 61-vjeçar i futbollistit i është nënshtruar dhe një testi alkooli në rajon përveç kontrollit të dokumenteve.
Nuk dihet ende se kush ishte fajtori në këtë aksident, por mësohet se nuk janë ndërmarrë veprime ligjore, duke bërë kështu që babai i Messit të largohet nga rajoni në pak minuta.
Futbollisti dhe babai i tij nuk janë shprehur lidhur me këtë çështje. Kujtojmë që në vitin 2016 Jorge Messi dhe Lionel Messi janë shpallur fajtor për mashtrimin me taksat duke u dënuar me burg. Por më pas vitet e burgut u janë konvertuar në gjoba.
