Babai i Klodian Rashës që u ekzekutua me armë zjarri mesnatën e sotme, Qazim Rasha është përlotur përpara mediave. Në një intervistë për TVKlan, Rasha me lot dhe duke qarë shpreh dhimbjen e madhë për humbjen e të birit.
tha se djali i tij doli për të pirë një kafe dhe për të blerë një paketë cigare, dhe nuk mund të vritet vetëm se nuk kishte maskë.
Ai shton se të birin ia ka masakruar polici, ndërkohë ai priste që ta martonte pasi 25-vjeçari ishte i fejuar.
Qazim Rasha: ”Fatkeqësia ime mos i raftë askujt. Çfarë mund të thotë një baba që ka humb djalin e tij që doli nga shpia me ble nji paketë cigare dhe të masakrohet të rrugica. Nëse ka bo faj merre arrestoje. Edhe kriminel me qenë nuk bëhet ashtu. T’i iki policisë për maskë është gjynah ndërkohë që unë e prisja në shtëpi për me e martu…rrinte i mbyllur në punë të vetë. Këtu ke 1000 dëshmitarë që ka qenë duke u zënë me policinë e kanë gjëmu me e rrah. Ishte pa maskë dhe iku. Ata e kanë gjëmu dhe e kanë masakru. Nëse ka shtet, nëse ka qenë me armë unë e pushkatoj vetë pasi e pushkatoi polici. Është degjeneru kufoma e kanë masakru. Këtë s’e bën as serbi me kalu matanë të merr të arreston. Zbardhni të vërtetën ose ndryshe…ose ndryshe.”
