Avokati i biznesmenit Ylli Ndroqi ka deklaruar sot se do e ankimojnë vendimin e SPAK, që urdhëroi sekuestrimin e pasurive dhe pronave të tij pas një hetimi pasuror.
Pas daljes nga Drejtoria e Policisë së Tiranës, avokati Alban Qafa tha se biznesmeni ka shkuar në polici për të dorëzuar makinën që ishte në listën e pasurive të sekuestruara, dhe për të kërkuar sqarime.
Alban Qafa shtoi se pasuria e Ylli Ndroqit, është nga burime të ligjshme. Po sipas tij, Ylli Ndroqi mendon se ky është një sulm politik, dhe për shkak të gjyqit që po zhvillohet njëkohësisht ndaj tij dhe kryebashkiakut Erion Veliaj.
“Është vendosur sekuestro e pasurive të tij. Ka qenë duke udhëtuar me makinën e tij “Merces-Benz, modeli S600″ dhe është ndaluar nga forcat operacionale për t’i marrë makinën si pjesë e sekuestros.
Ylli Ndroqi nuk është ndaluar dhe as shoqëruar, por ka shoqëruar makinën e tij dhe të kërkojë sqarime. Pasuria e tij është nga burime të ligjshme, dhe se Ylli Ndroqi mendon se ky është një sulm politik dhe për shkak të gjyqit që po zhvillohet njëkohësisht ndaj tij dhe kryebashkiakut Erion Veliaj”, tha Qafa.
